Hordhac
Ganacsiga Forex-ku waa meel fursado badan leh, laakiin sidoo kale khataro badan wadata. Waxaa jira siyaabo badan oo looga ganacsado suuqa, balse mid ka mid ah kuwa ugu qoto dheer uguna wax ku oolka badan waa ICT Concept (Inner Circle Trader). Qormadan waxaad kaga bogan doontaa waxa ay yihiin ICT concepts, sida ay u shaqeeyaan, iyo sida loogu isticmaalo si guul laga gaaro ganacsiga Forex.
Waa Maxay ICT (Inner Circle Trader)?
ICT waa hab-fikir (framework) iyo istiraatijiyad uu sameeyay ganacsade la yiraahdo Michael J. Huddleston. Waxa uu diiradda saaraa:
- Qaab-dhismeedka suuqa (Market Structure)
- Qiimayaasha muhiimka ah (Key Levels)
- Liquidity (lacagta suuqa ka dhex socota)
- Fursadaha suuqa laga akhriyo iyadoo laga faa'iideysanayo dhaqdhaqaaqa bangiyada waaweyn.
ICT waxay isku darsataa falanqaynta technical-ka, fahamka xogaha suuqa, iyo dejinta go'aanno cad oo ku saleysan istaraatijiyad adag.
Qodobbada Muhiimka ah ee ICT Strategy
1. Market Structure (Qaab-dhismeedka Suuqa)
Waxaa muhiim ah in ganacsaduhu garto trend-ka suuqa: Haddii uu kor u socdo (uptrend), hoos u socdo (downtrend), ama uu sideways yahay. ICT waxay ku baraysaa sida loo fahmo higher highs, lower lows, iyo markasta meesha fursadda ugu wanaagsan taallo.
2. Liquidity Pools
ICT waxay aaminsan tahay in suuqa uu u dhaqaaqo dhanka ay ku jirto lacagta badan. Tusaale ahaan, haddii dad badan ay dhigteen Stop Loss meel gaar ah suuqu wuxuu aadayaa meeshaas si ay u "liqid" gareeyaan.
3. Order Blocks
Order Blocks waa meelaha bangiyada ama ganacsatada waaweyn ay si cad u galaan suuqa. ICT waxay tilmaantaa in halkaas ay yihiin meelaha ugu wanaagsan ee laga bilaabo ganacsi sababtoo ah waxaa laga filayaa qiime kor u kac ama hoos u dhaca xoog leh.
4. Fair Value Gaps (FVGs)
Waa meelaha suuqa uu ka booday (gap) adigoon dhisin price action sax ah. ICT waxay baraysaa in ganacsigu ku noqon karo FVGs kahor inta aanu sii socon, taasoo la micno ah meel fursad ah.
Sidee Loogu Tarde Gareeyaa ICT Concepts?
-
Baro Luqadda ICT – Qeexid kasta oo ICT ah waxay leedahay ereyo gaar ah sida "PD Arrays," "OB," "FVG," iyo "Liquidity Run." Baro micnahooda si buuxda.
-
Adeegso Chart Clean ah – Ka fogow indicators badan. ICT waxay ku kalsoon tahay naked chart analysis. Waxaad u baahan tahay inaad si toos ah ula socoto dhaqdhaqaaqa suuqa.
-
Tababar Isticmaalka Backtesting – Isticmaal software demo si aad u tijaabiso fahamkaaga ICT. Falanqee dhacdooyinkii hore ee suuqa adigoo adeegsanaya FVGs, Liquidity grab, iyo Order Blocks.
-
Samee Trading Plan – Qorshe cad samee. Goorma ayaad suuqa galeysaa? Halkee ayaad Stop Loss dhigeysaa? Maxay tahay profit target-kaaga?
-
La Soco Waqtiyada Muhiimka ah – ICT waxay xoogga saartaa London Open, New York Open, iyo New York Lunch. Waqtiyadan ayaa fure u ah ganacsiga saxda ah.
-
London Open (7:00 AM – 10:00 AM GMT)
Waa mid ka mid ah fadhiyada ugu firfircoon, waxaana lagu gartaa dhaqdhaqaaq ballaaran. ICT waxay tilmaamaysaa in fursadaha ganacsi ee runta ahi inta badan ay halkaan ka bilowdaan. -
New York Open (12:00 PM – 2:00 PM GMT)
Markii suuqa Mareykanku furmo, mugga ganacsiga ayaa si weyn kor ugu kaco, taasoo horseedda isbedbeddel weyn. Waa waqti aad u fiican oo loo adeegsado Breaker Blocks, Fair Value Gaps, iyo Liquidity Sweeps. -
New York Lunch Time (4:00 PM – 5:00 PM GMT)
Inkastoo uu yahay waqti dadka qaar nasasho qaataan, ICT wuxuu caddeeyay in suuqyadu mararka qaar sameeyaan liquidity grab ka hor inta aysan xasilloonaan. Waa waqti lagula socdo dulqaad iyo indho-furnaan.
Gunaanad Khaas ah:
La socoshada wakhtiyadaasi waa halbawlaha istaraatijiyada ICT. Waxa ay kaa caawinayaan inaad fahanto xilliyada ay suuqyadu sameynayaan "manipulation" iyo marka ay bilaabayaan dhaqdhaqaaq dhab ah. Haddii aad rabto inaad ka mid noqoto ganacsatada guuleysta, barashada iyo ka faa’iidaysiga wakhtiyada saxda ah waa tallaabo lama huraan ah.
Faa’iidooyinka Isticmaalka ICT Strategy
- Xaqiijin sare – Maadaama aad sugayso xaqiijinta market structure iyo liquidity levels, waxaa kordhaya guulaha.
- Khasaaro yar – ICT waxay ku dhiirrigelisaa Stop Loss sax ah iyo fursad sugid.
- Fahanka Suuqa Dhabta ah – ICT waxay kaa saartaa random trading, waxayna kaa dhigaysaa ganacsade leh nidaam.
Talooyin Dhameystiran oo Kaaga Faa’iideynaya ICT Trading
- Ha degdegin – Barashada ICT waxay u baahan tahay sabar iyo dulqaad.
- Ka fogow overtrading – Sug setup sax ah. Ha galin ganacsi haddii aysan jirin sabab cad.
- U fiirso dhammaan xaqiijinta – Isku dar liquidity, structure, FVG iyo OB si aad u heshid ganacsi kalsooni leh.
- Raadi waxbarasho rasmi ah – Waxaa jira channels YouTube ah, PDFs, iyo koorsooyin bixiya ICT material.
Gunaanad
Istaraatijiyada ICT waa mid qoto dheer oo ku saleysan falanqayn dabiici ah oo ku dhisan dhaqdhaqaaqa suuqa. Haddii aad si joogto ah u barato, u tababarto, una isticmaasho si nidaamsan waxay kuu noqon kartaa fure aad ku gaarto guulo waaweyn.
Ha u qaadan ICT sidii lacag sahlan. Waa nidaam u baahan maskax, tababar, iyo dulqaad. Haddii aad si dhab ah u barato, waxaad noqon kartaa mid ka mid ah ganacsatada guuleysta ee Forex-ka.
